شنيا الـ 7% ؟؟ و قتاه و كيفاه تتزاد ؟

ماهو النتفيل الجغرافي 7% ؟

هو نقاط يتمتع باهم الطالب ...يتزادولو في السكور متاعو في شروط و شعب معينية 

شكون يتمتع في ب 7% ؟ 

فما 3 شروط مربوطين ببعضهم  باش تنجم تتمتع  ب 7% .

الشرط الأول  هو  لازم الشعبة تكون تدعم 7% ..يعنى فما شعب  مهما كانت الحالة متاعك ماتتحسبش 7% .فما قامت آخر كتاب 

التوجيه تلقاو فيها الشعب ألي يتمتعو ب 77% و ألي لا . .أو تنجمو تشوفو القائمات هاذم في الصور هاذم

الشرط الثاني هو  وقتلي تبدا الشعبة تدعم 7% بالطبع و موجودة في الولاية متاعك ....وقتها تاخو 7% وبالنسبة لمنوبة و اريانة و بنعروس يتسماو تونس الكبرى ولاية وحدة 

الشرط الثالث  هي وقتلي تبدا الشعبة تدعم 7% بالطبع أما ماهيش موجود في الولاية متاعك و .. و أقرب بلاصة وين متواجدة الشعبة هاكي تاخو فيها 7% ...يعني مثال انتي تسكن في بنزرت و تحب على اجازة أساسية في التصميم ..أما الاجازة هاذي موش موجود في بنزرت ...موجودة في تونس و نابل و سوسة و بلايص أخرى بعد ....دونك انتي تاخو 7% في تونس فقط خاطر تونس أقرب بلاصة ليك ..و باش تعرف أناهي أقرب بلاصة فما جدول متع مسافات هنا 

كيفاش تتحسب 7% ؟ 

ساهل برشا ....تاخو سكورك و تضربو في 1.07 .....مثال أنا سكوري 120 دونك 120 * 1.07 يولي 128.4