كيفاش تولي أستاذ جامعي ؟

كيفاش تولي أستاذ جامعي ؟

------------------

بون فما برشا يحب ميدان التعليم و خاصة في الجامعة ألي هي مهنة محترمة برشا لكن كيفاش تنجم تولي تقري في الفاك ؟

فما 5 حلول باش تقري في الفاك :

------------------

الحل الأول :

أول حل هو أي طالب لازم ساعة يكون متحصل على شهادة ماجيستير بحت (recherche ) أو يكون عندو شهادة مهندس ، و بعد يقوم باطروحة (thèse) متع دكترورة ألي تمتد على 3 سنوات ....و باش تقوم بدكتورا لازم يا أما تكون من الممتازين أو تلقى أستاذ برتبة ( professeur أو maitre de conférence ) ياطرك و ساعات انتي لازم تلقى موضوع للاطروحة .....باهي وقتلي انتي تقوم بالاطروحة تكون vacataire أو contractuelle و وقتها تنجم تاخو سوايع تقريهم في الفاك ... موش حاجة كبيرة لكن يصلحولك في cv متاعك ....نهار آخر

------------------

الحل الثاني :

هو تكملة متع الحل الأول ...بعد ماتكمل الأطروحة متاعك تقوم بكونكور فيه كتابي و شهافي ...و تقدم الأطروحة متاعك و تتخرج دكتور ...و تكون عندك رتبة assistant ...وقتها تولي تقري في الفاك

-----------------

الحل الثالت :

هو فما بعض الأختصاصات ....يستحقو لخبراء expertt ...هاذم يجيبهم من الميدان المهني ...و لازم الشروط هي تكون عندك خبرة أقل شيء 4 سنوات ..وقتها تنجم تقري سوايع في الفاك ، و فما الطبة زادة و كي يبدا واحد دماغ في الميدان متاعو و معروف

----------------

الحل الرابع :

هو technologue ...ألي عندو باك +55 ، فما مناظرة متع technologue تتعدى ....و ألي ينجحو يوليو يقريو في الفاك ...أما فقط في ISET

------------

الحل الخامس :

مناظرة التبريز ....هي فما مناذرة متع انتداب اسمها التبيز و من شروطها المتحصلون على الأستاذية أو شهادة ختم تكوين عال لا تقل مدته عن أربع سنوات في المواد المعنية أو على شهادة معترف بمعادلتها. ، و كي ينجح في الكونكور يولي يقري في الفاك

------------

الحلول هاذم راو خاصين بلفكات ألي تابعين الدولة ...لانو في قطاع  الخاص فما شكون فقط مهندس أو عندو ماجيستير و يقري ...