ماكش فاهم شنوا السكور ؟ تفضل لهنا

 critére de choix برشا فيكم يسألو على سكور ألي موجو في دليل التوجيه ومعتبرينو نسبيا هو ال 

و كان ما وصلتلوش ما تلخلطش للشعبة هاكي ..شنية حكيتو و كيفاه نعرف سكور باش يطيح أو لا ألخ ......
أول حاجة سكور ألي موجو في كتاب التوجيه هكا سكور آخر موجه لجماعة باك 2017 ....يعني مثال طب في تونس باك علوم تجريبية آخر واحد عمناول 167 ... سكور هكا مؤشر تقريبي ....يعني ينجم يطلع ، ينجم يهبط ، ينجم يقعد هو بيدو ....لهنا باش تحتارو ومكمش باش تعرفو زعما سكرو يطيح او لا ...بون فما حاجات تقربلك الحكاية هاذي و تخليك تعرف زعما ذكور يطيح أو لا ....أو حاجة هي نسبة الناجحين بين سنا و عمناول ...و عد الناجحين زادت ...كي تنقص النسبة و ينقص العدد يعني سكور باش يطيح شوية .....حاجة أخرى هي عدد البقاع في كل شعبة يعني مثال طب طالبين 100 واحد عمناول و كان سنا باش يطلبو 50 فقط يعني باش تكون أكثر المنافسة يعني سكور يطلع شوية ..واضحة الحكاية .....و مافماش حاجة تنجم تأكد منها 100% ....لانو كلها موأشرات تقريبية ...حاجة أخرى سكور كان يطيح ميطيحش برشا برشا ....و تو كي يجي وقت تعمير الاختيارات نزيدو نفهموكم أكثر .....

 ملاحظة اخرى نجمو نقولو انو بالنسبة للرصيد الموجود في دليل التوجيه هو رصيد تقريبي حتى تعرف مدى رغبة الناجحين في الباكلوريا في الشعبة هذيكا وتبني عليه ونعاود نقولها راهو تقريبي حتى تعرف اختيارات نبسطوها بمثال

1-X رصيد اخر موجه في دليل التوجيه 130 

2- Y رصيد اخر موجه 90

 المثال الاول لاختصاص مطلوب من ناجحين بمعدلات جيدة و يشهد اقبال من اصحاب المستويات المتوسطة يعني واحد رصيدو 100 زايد يخسر في اختيار ويحطها وينجم حتى واحد رصيدو 135 ما يتحصلش عليها (وعموما الافتراض هذا قليل وين تلقاه فقط في بعض الشعب وخاصة الطب والصيدلة والهندسة ) 

 المثال الثاني لاختصاص مطلوب من الناجحين الذين لم يسعفهم الحظ ونجحو بمعدل قوي و عموما كل شي كيف كيف في الزوز امثلة

ملاحظة اخيرة الرصيد ديما حطو فيبالكم الي حسب القديمة تاخو مجال متع -+100 لانو صعب انو يبعد على المجال هذا

احسب سكورك هنا  

قبل ما نختم نحب نقول راهو عندكم 10 اختيارات مش اختيار برك خممو فيهم الكل