1) تشري بطاقة الدينار الالكتروني (edinar) من مكاتب البريد ب 13 د و تنساش تهز معاك بطاقة التعريف +نسخة من بطاقة التعريف و تتم عملية الشحن ايضا في مكاتب البريد
البطاقة هذي تستعملها في ما بعد في التسجيل عن بعد عن طريق ادخال رقم البطاقة و كلمة السر التي سيمدك بها مكتب البريد مع العلم ان البطاقة عند اقتنائها يكون رصيدها صفر.
و كي تاخو الكارت يعطيوك معها ورقة فها رقم فيه 4 أرقام تستحقلهم كي تجبد من distributeur و رقم فيه 8 أرقام و واحد آخر يتكون 16 أو 13 ( نسيت بالتحديد ) رقم تلقاوه على الكارت زادة تستحقلهم وقتلي تعمل تسجيل
----------
2) تدخلو إلى موقع www.inscription.tn ،
( كان دخلت و قالك راو رقم بطاقة تعريف غالط أو حاجة كيف هاكة عادي ، زيد ستنا ، لانو الفاك متاعك مازالت ماتقبلش التسجيل عن بعد )
-----------
وتعمروا المعطيات الخاصة ( أمشيو وين فما information ) و عمرو كان الخانات ألي قدماها *
----------
3) تمشيو إل Payement ، تخلصو بالكارطة E-Dinarr ألي شريتوها كيما هكا ( عملية ساهلة برشا )
-------
ملاحظات :
تنجم تستعمل كارت صديقك أو أي شخص
--------
- معلوم التسجيل يختلف من جامعة إلى أخرى - أقصى حاجة ممكن تخلصها 68 دينار
-------
- تختار فالموقع تحب تخلص المبلغ الكل مع بعضو ولا على قسطين
------
--تنجم تخلص شطر عام و لباقي تخلصو في مارس أو أفريل أو حتى في سبتمبر متع العام الجاي
-------
- إلي ناوي يقدم مطلب في منحة جامعية (Boursee) يخلص قسط برك من معلوم التسجيل ، موش الكل على خاطر كان كتب ربي وخذيتو المنحة ، يتم إعفائكم من خلاص القسط الثاني
-------
- يمكن يقلك أنك غير موجود و لا payéé متضهرلكش تطلعلك désactivé وقتها زيد اصبر خاطر الفاك متاعك مازالت ماتقبلش التسجيل عن بعد
أو يقلك دخل رقم ألي موجود ...
و كان دخلت الرقم هاك و قالك مافما حتى تسجيل دونك اصبر مازال بكري
-----------
-اجال ترسيم : .ريتوه موقع التسجيل ميسكرش بالكل ....ريت التسجيل تنجم تعملو حتى في أكتوبر عادي جدا ....و ريتو سعات فما بعض الفاكات يهبط اعلان يقلك آخر أجل للتسجيل 25 أوت مثال .....راو هكا بلا بلا بلا (كلام فارغ ).....خاطر التسجيل مايتسكرش و مايوفهاش في عقلك .
4) تطبع وصل التسجيل بعد متكمل تخلص
--------------------------
**المرحلة الثانية : التسجيل في الجامعة
1) تقعد إتبع في موقع الجامعة أو الكلية متاعك ، توا يهبطوا أجال الترسيم والأوراق اللازمة وموعد إنطلاق الدروس..... و كل فاك عندها موقع متاحها و كان ملقيتش موقع تلقى صفحة رسمية على الفايسبوك لفاك هاكي ، و عموما التسجيل فيا الفاك يكون قبل العودة ب 4 أو 5 أيام . و هنا تلقى مواقع الفاكات الكل أو تلوج في google
http://www.mes.tn/
2) تمشي للكلية تهز الأوراق المطلوبة و وصل الخلاص ألي طبعتو
++بالنسبة للاوراق المطلوبة كل فاك وكيفاش أما en Principe الناس الكل موش بعاد على بعضهم
**وصل التسجيل ألي تبعطو بعد مخلصت بلE-Dinar
**4 تصاور تكتب علاهم من التالي اسمك و لقبك و رقم بطاقة تعريف
**زوز جوابات مسوقرين (يعني زوز جوابات فاهم اسمك و لقبك و عنوان داركم )
**نسخة من بطاقة التعريف
**نسخة مطابقة للأصل من كشف الأعداد الخاص بالبكالوريا
**نسخة مطابقة للأصل لشهادة البكالوريا
**ورقة إرشادات تخرجها من موقع الفاك متاعك و لا نهارت ألي تمشي تلقاها
**الملف الطبي
ملاحظات :
-تنجمو تمشيو وقتلي يقولولكم في الموقع و لا زادت نهارت العودة الجامعية كي يبدا واحد بعيد و عادي ترسم مع العودة الجاميعية عادي
--------------------------
- كارت E-dinar هاذم معلومات علاها
1- carte e-dinar هي عبارة على حساب جديد يعني يطبق عليه كل ما يطبق علي الحسابات البنكية و البريدية من إرسال و إستقبال ...
2- carte e-dinarr تستعمل للدفع الإلكتروني خاص بالدراسة يعني معلوم الترسيم في المبيت , الجامعة , أي حاجة أخري
3- 2- carte e-dinarr تستعمل للدفع الإلكتروني خاص بفواتير أخرى كيما الإنترنيت , الهاتف , الضو , كل هذه الخدمات متوفرة على مواقع الواب الخاصة بالغرض
4- carte e-dinarr تحتوي علي رقمين عند إستلامها : رقم متكون من 4 أرقام خاص بالسحب من Distributeur فقط و الأخر خاص بالدفع و التحويل علي الإنترنيت
5- carte e-dinar توفر خدمات ممتازة يكفي أنك تشترك عبر
orange : Service Mobimoney *119#
oreedoo : Service MobiFlouss *112#
orange : Service MobiDinar *104#
و وواصل مراحل النسجيل بعد إدخال هذا الكود .... هذا الكود يمكنكم من :
* الإطلاع على رصيدكم في الكارت
* شحن الهاتف يعني Dinar Lightt من غير متتعبوا و شحن يكون حتي الغير هاتفك تبعثلو و تخرجوا أما ما تفلسوش أهلكم
* تحويل مبالغ و عدة خدمات أخرى إكتشفوها
هذي أبرز ما أعلم عن carte e-dinarr حافظوا عليها و لا تضعوها مع ورقة الرقم السري من 4 أرقام يعني فرضا لو ضاعت السارق ميقدر شي
في صورة ضياع الأرقام السرية كلموا 18288 يعطوك الرقم عبر بطاقة التعريف الوطنية
------------------
الأتحاد العام التونسي للطلبة UGTE
ربي ينجكم و يكون معاكم
Aucun commentaire:
Enregistrer un commentaire