الفرق بين الاجازة التطبيقية و الاساسية

الفرق بين الاجازة التطبيقية و الاساسية

أول شيء تفاديو حكاية "" الأساسية خير من التطبيقية " ، مفما حتى شي خير من الآخر ...كل عرض تكوين و كيفاه و الميزات متاعو

-----------

نبداو بالاجازة الأساسية : التكوين متاحها نظري بالاساس تنجم تخدم بيها في سوق الشغل الأختصاص ألي تبعتو تخليك تنجم تعمل ماجيستير بحث لكن الماجيتير بحث موش موجودة برشا ...يعني لازم تتميز و تنجح بمعدل باهي باش تكمل ماجيستير بحث بعد ماتكمل ماجيستير بحث ، تنجم تكمل دكتورا  أما لازمك تكون من الممتازين أو تلقى أستاذ ياطرك المسلك متاحها ينجم يكون اختصاص واحد ..يعني مثال اجازة في الأعلامية تقرها في 3 سنين بنفس الأسم و تكمل حتى ماجيستير في اختصاص واحد أو تكون فيها اختصاصات مختلفة تنجم تعمل تربصات بالاجازة الأساسية ، فقط سنة ثالثة في السداسي الثاني فما بعض الاجازات الأساسية مافيهمش تربص ختم دروس موش كيف التطبيقية ألي فيها ملخص : الأجازة الأساسية تكون باهية في بعض الأختصاصات ألي موش موجودين برشا و موش مطلوبين برشا في سوق الشغل دونك تولي تمشي مجال البحث للتدريس ألخ أفضل ، لكن ألي باش يخلط لمجال البحث عدد محدود المتفوقون

--------------------

الاجازة التطبيقية :التكوين متحها نظري و تطبيقي و تحضرك لسوق الشغل التكوين متحها متعدد الأختصاصات و متماشي مع سوق الشغل ،تخليك تكون حاضر لسوق الشغل تخليك تعمل ماجيستير مهني في مختلف الأختصاصات ألي كيف اختصاص الأجازة أو يشبهلو ، و عندك فرصة كبيرة باش يقبلوك في الماجيستير المهني خاطر موجودة بصفة كبيرة فيها تربصات  و فيها تربص ختم الدروس في السنة الثالثة اجازة تقريبا في 90% من الشعب ماتنجمش تعمل بيها مرحلة دكتورا

-------------------------

ملاحظات : -بلاجازة الأساسية تنجم تعمل ماجسيتير مهني أو العكس  بالأجازة التطبيقية تعمل ماجيسير بحث لكن نسبة القول ضعيفة على الآخر ...كعبتين يتعداو -تنجم تقرى عام اجازة أساسية و بعد تبدل  الأجازة التطبيقية عن طريق تغيير مسار أو العكس زادة -فما منشور وقع تفسير فيه كيفاه تولي أستاذ جامعي هنا
- الماجيستير بحت أو مهني يخليوك يولي عندك titre باك +5 ...ألي يمكنك باش تجتاز بعض المناظرات ألخ ... - من الأخر لا يوجد شيء أفضل من شيء....كل تكوين و كيفا حسب الأختصاص ...يعني تنجم الأجازة الأساسية يكون مسارها أفضل في اختصاص معين و تكون التطبيقية أفضل في اختصاص آخر و حسب اختيار الطالب بالطبع

- الاجازة التطبيقية (Licence appliquéee ) تهدف أساسا الى تمكين الطلبة المحرزين عليها من تكوين علمي تطبيقي يسهل اندماجهم لاحقا في سوق الشغل كما تمكن المتميزين من الترشح لمتابعة دراستهم على مستوى شهادة الماجستير المهني و ماجستير البحث بنسبة 10 بالمئة

- الاجازة الأساسية ( Licence fondamentalee ) تتضمن تكوينا جامعيا يمكن الطالب من تلقي المعرفة الأساسية في الاختصاص و يخوله من مواصلة التعمق فيه عبر ماجستير البحث في حال تفوقه أو عبر شهادة الماجستير المهني في حال رغبته في تكوين تطبيقي و ذلك في حدود طاقة الاستعاب